Nënshkrim i deklaratës së përbashkët të shërbimeve doganore nga Ballkani Perëndimor

Takim joformal i drejtorëve të drejtorive të doganave nga Ballkani
Perëndimor sot dhe nesër do të mbahet në Shkup.
Qëllimi i takimit është përgatitja e qasjes së përbashkët të shërbimeve doganore nga rajoni me qëllim të avancimit të bashkëpunimit ekonomik në Ballkanin Perëndimor, në kontekst të Procesit të Berlinit dhe Samitit të Triestes që u mbajt në qershor të këtij viti, ku morën pjesë gjashtë kryeministrat nga Ballkani Perëndimor dhe liderët e Gjermanisë, Francës dhe Italisë. Gjatë Samitit u përgatit edhe plani disavjeçar i aksionit, qëllimi i të cilit është përballja me problemet e Ballkanit Perëndimor, përmes
pranimit të idesë për krijim të një rajoni ekonomik rajonal dhe fondeve të BE-së për mbështetje të infrastrukturës në këto vende.
Në kuadër të ngjarjes, është paraparë që drejtorët e drejtorive doganore nga Ballkani Perëndimor të nënshkruajnë Deklaratë të përbashkët si konfirmim për përkushtimin e shërbimeve doganore për implementimin e Planit disavjeçar të aksionit dhe përmirësimin e bashkëpunimit mes shërbimeve
doganore nga rajoni në drejtim të krijimit të Rajonit ekonomik dhe përforcimit të përpjekjeve për anëtarësim në Bashkimin Evropian.