Në Zonën e Lirë të Tetovës as 20 për qind e të punësuarëve nuk janë shqiptarë

As 20 për qind e të punësuarëve në Zonën e Lirë Ekonomike të Tetovës nuk janë shqiptarë, thonë për Gazetën Lajm të punësuar shqiptarë në këtë zonë. Sipas tyre edhe më i vogel është numri i shqiptarëve në poste udhëheqëse. “Në poste udhëheqëse thujase nuk ka asnjë shqiptar, kurse edhe numri i të punësuarëve nuk besoj se kalon mbi 20 për qind. Kjo tregon se as në Tetovë, qytetin më të madh shqiptar në Maqedoni nuk respektohet përfaqësimi i paraparë sipas Marrëvshjes së Ohrit”, thotë për Lajm një i punësuar nga Tetova. Edhe pse bëhet fjalë për investine private, Punësimet në Zonën e Tetovës i përmend vazhdimisht gjatë fushatës kryetari i BDI-së Ali Ahmeti. Ai me një rast ka thënë se 500 familje i sigurojnë “2 vakte” në investimin e Zonës së Tetovës. Pikërisht termi emocional “2 vakte” i intrigoi gazetarët e Lajmit të bëjnë një hulumtim për përqndjen etnike të punësuarëve, sepse na lindi dyshimibqë Ahmeti një term të tillë emocional mund ta përdorë vetëm kur është në pyetje interesi i VMRO-së dhe i maqedonasve. Në bazë të dëshmive të punësuarëve, u vërtetuan dyshimet tona që në këtë Zonë më tepër punojnë maqedonas se shqiptarë. Zyrtatisht nga atje nuk japin përqindje të sakta, duke thënë se të punësuarit nuk i ndajnë në baza etnike, floskulë që përdorin shpesh edhe institucionet shtetërore kur dëshirojnë të fshehin përfaqësimin e ulët të shqiptarëve.