Në tetë fatkeqësi komuniakcioni në Shkup janë lënduar tre persona

Tre persona janë lënduar më lehtë në dy nga gjithsej tetë fatkeqësi
komunikacioni të regjistruara gjatë ditës së djeshme në rajonin e SPB Shkup. Në gjashtë fatkeqësi është shkaktuar dëm material.
Nga MPB informojnë se dje policia rrugore ka zbuluar dhe sanksionuar një numër më të madh kundërvajtjesh. Tridhjetë e katër vozitës kanë lëvizur me shpejtësi më të madhe nga e lejuara, katër vozitës kanë kaluar në udhëkryq në dritë të kuqe dhe dy vozitës nuk kanë dhënë përparësi në kalim.
Nga komunikacioni janë përjashtuar katër persona të cilët e kanë drejtuar automjetin para se të pajisen me të drejtën e drejtimit të automjetit motorik dhe katër automjete të cilat ishin të paregjistruara. Janë hasur 84 automjete të parkuara në mënyrë të parregullt. Me ndihmën e automjetit të posaçëm janë mënjanuar 83 automjete.