Në aksion të koordinuar të Ministrisë së Punëve të Brendshme, Inspektoratit Shtetëror të Tregut dhe Drejtorisë për të Ardhura Publike mbrëmë (11.02.2022) janë realizuar mbikqyrje në dhjetëra objekte gastronomike dhe kazino në territorin e Tetovës dhe në vendbanime të afërta.
Gjatë këtij aksioni janë mbyllur katër objekte në bazë të nenit 64 të Ligjit për mbrojtjen e popullatës nga sëmundjet ngjitëse dhe nga ana e ISHT-së janë mbyllur. Në dy objekte janë konstatuar kundërvajtje në bazë të Ligjit për mbrojtje nga konsumimi i duhanit, kurse për tre objekte është kërkuar dokumentacion shtesë në pajtim me Ligjin për veprimtari hotelerike, kështë që procedura për këto objekte vazhdon deri në shqyrtimin e dokumentacionit.
Në të gjitha objektet e kontrolluara janë shqiptuar gjoba nga ana e DAP-it për arsye të mosdhënies së faturave fiskale.
Ndryshe, në katër objektet e mbyllura prezent kanë qenë edhe 27 persona pa covid-certifikatën e obligueshme (vërtetime), kurse në dy objekte prezent kanë qenë persona pa licenca adekuate, të cilët kanë kryer punët si sigurim i objekteve.
