Fituesi i çmimit “Vëllezërit Milladinov” për vitin 2018 në edicionin e 57- të të Mbrëmjeve strugane të poezisë do të kumtohet sot në konferencë për shtyp. Çmimi ndahet për librin më të mirë poetik në gjuhën maqedonase të shkruar ndërmjet dy edicioneve të festivalit. Në zgjedhjen më të ngushtë janë përmbledhjet me vargje “Pantomima hyjnore” nga Zoran Ançevski, “Nën kapelën e Dervishit” nga Andrej Al Asadi, “Zëra” nga Jordan Danillovski, “Më lër të luaj” nga Jovica Ivanovski dhe “Hirushja nga hiri” nga Suzana V. Spasovska. Autorët e pesë librave që hynë në zgjedhjen më të ngushtë për çmimin “Vëllezërit Milladinov” dje i prezantuan krijimtaritë e tyre, ndërsa libri më i mirë do të përkthehet në gjuhën angleze. Në program sot është leximi ndërkombëtar poetik “Matine”, porterete poetike, poezi në rrugë, netët pa interpunksion…
Festivali do të përfundojë të dielën me manifestimin “Urat” dhe dorëzimin e çmimeve “Kurora e artë”, “Vëllezërit Milladinov” dhe “Urat e Strugës”.
Në edicionin e sivjetmë të Mbrëmjeve strugane të poezisë marrin pjesë 30 poetë nga 29 vende dhe rerth 50 poetë nga Maqedonia.
