Në 24 orët e fundit në Kovid qendrat në Shkup janë hospitalizuar 43 pacientë të rinj për shkak të komplikimeve nga koronavirusi. Gjithsej 497 persona të dyshuar dhe të konfirmuar me KOVID-19 po mjekohen në repartet infektive në kryeqytet, kumtoi Ministria e Shëndetësisë.
Në klinikat interne në 24 orët e fundit ka pasur gjithsej 17 pranime dhe atë tre pacientë janë hospitalizuar në Klinikën për Nefrologji, tre në kovid qendrën e Klinikës për Neurologji, katër të sëmurë në Institutin për TBC, dy në Klinikën për Dermatovenerologji, një në Klinikën e Syve dhe dy në Klinikën për Gastroenterohepatologji. Në ORL, janë pranuar dy pacientë të rinj.
Në kovid qendrën në SPQ “8 Shtatori” ka pasur 12 pranime të reja të pacientëve. Në Klinikën Infektive gjatë ditës së djeshme janë pranuar 14 të sëmurë.
Në 24 orët e fundit në shtëpi janë lëshuar 31 pacientë të shëruar.
Për momentin në Klinikën e lëkurës në Kovid qendrën po mjekohen 26 pacientë, në Klinikën për neurologji 30 të sëmurë, ndërsa në Institutin për TBC janë pranuar gjithsej 53 pacientë me simptome të koronavirusit, në kovid qendrën e Klinikës për nefrologji për momentin janë vendosur 24 pacientë, në Klinikën për sëmundje të syve 16 pacientë, ndërsa në ORL 28 të sëmurë. Në Klinikën për Gastroenterohepatologji janë të shtrirë 25 pacientë.
Në SPQ “8 Shtatori” gjithsej ka 108 të sëmurë, në Klinikën për sëmundje infektive janë të shtrirë 152 pacientë, përderisa në Institutin për sëmundje të mushkërive tek fëmijët Kozle ka 38 pacientë.
Gjithsej 497 pacientë të konfirmuar dhe të dyshuar me KOVID-19 po mjekohen në repartet infektive në spitalet në kryeqytet. Një pjesë e madhe e tyre janë në mbështetje oksigjeni.
Edhe përkundër numrit të madhe të pranimeve gjatë ditës së djeshme, sot në mëngjes deri në orën 8:00 ka pasur rreth 20 vende të lira ndërkaq pritet gjatë ditës, pas lëshimeve të bëra të pacientëve të shëruar të lirohen edhe vende të tjera edhe në Klinikën për sëmundje infektive dhe në SPQ 8 Shtatori.
Të gjitha repartet infektive kanë sasi të oksigjenit dhe mund të kujdesen për pacientë të cilët kanë nevojë për mbështetje oksigjeni.
