Substancat ndotëse në ajër nga furra për djegien e mbeturinave mjekësore në deponinë “Drislla” nuk i tejkalojnë vlerat mesatare. Këtë e konstatoi Inspektorati
Shtetëror për Mjedis Jetësor dhe inspektorati kompetent shtetëror për mjedis jetësor, pas matjeve të kryera.
Ata kryen ekspertizë në monitorimin intern të emetimit të gazrave nga oxhaku i furrës për djegien të mbeturinave mjekësore.
“Pas rezultateve të marra nga laboratori i akredituar nga gjashtë qershori dhe katër korriku të këtij viti nga raportet e matjeve të monoksidit të karbonit, dyoksidit të karbonit, oksideve të azotit, dyoksidit sulfurik dhe pluhirit, emisionet nuk i tejkalojnë vlerat mesatare”, thuhet në kumtesën nga Inspektorati Shtetëror për Mjedis Jetësor. Nga atje informojnë se vazhdimisht e ndjekin punën e deponisë “Drislla” dhe të furrës për djegien e mbeturinave mjekësore.
