Ndodh edhe kjo në Maqedoni: Deputeti i ka vjedhur kartelën kryeparlamentarit

Në seancën e djeshme në Kuvend për shkarkimin e prokurorit të përgjithshëm të shtetit Marko Zvërlevski me kërkesë të kryetarit të dhomës ligjvënëse Talat Xhaferit në sallën plenare u vendos sigurimi i Kuvendit, transmeton MIA.
Arsyetimi i spikerit për praninë e sigurimit është reagimi i tij në atë që, siç tha, ndodhi situatë në të cilën një deputet ia ka marrë kartelën.
“Për këtë arsye është marrë masa në kompetencën time që të mund të punohet më tej”, tha Xhaferi.
Në vendosjen e sigurimit pas foltores kanë reaguar deputetë të VMRO-DPMNE-së, duke kërkuar që të tërhiqen. Ndërkohë Xhaferi e ka thirrur deputeten Pavlina Çestojnova, e cila e kishte radhën për replikë që të marrë fjalën. Bashkëpartiakët e saj thanë se nuk mund të ndodhë kjo në praninë e sigurisë. Pastaj sigurimi u tërhoq, ndërsa deputetët u kthyen në vendin e tyre.