Në vazhdën e investimeve të njëpasnjëshme në sferën e infrastrukturës, projekt i radhës i Komunës së Gostivarit ka qenë ndërtimi i kanalizimit në fshatin
Turçan i Vogël, bëjnë të ditur nga Shërbimi për informim i kësaj komune. “Është ky edhe një premtim i realizuar i kryetarit Arben Taravari, i dhënë banorëve të fshatit Turçan i Vogël si kërkesë e tyre e arsyeshme, me rastin e vizitës së tij këtij fshati të premten e kaluar. Linja e kanalizimit ka një gjatësi prej rreth 2000 metrash, ndërsa me ndërtimin e saj zgjidhet problemi i gjithë fshati. Komuna e Gostivarit, tashmë ka hyrë në fazën e bumit investiv, ndërsa në muajin shtator fillon
realizimi i akoma më shumë projekteve nga fusha e infrastrukturës dhe përmirësimi i cilësisë së jetës të qytetarëve të komunës së Gostivarit”, theksojnë nga Shërbimi për informim pranë Komunës së Gostivarit.
