Sot (19.04.2023) rreth orës 15:00 në rrugën lokale Prdejci – Smokvicë, zyrtarë policorë nga Qendra Rajonale për Çështje Kufitare, kanë vënë në pranga personin me inicialet N.R.(57) nga Shkupi. Gjatë kontrollit, në automjetin e tij, tip “Volkswagen Passat” me targa të Shkupit, të cilin e drejtonte vet ai, janë gjetur katër emigrantë nga Siria, njëri prej tyre i mitur. Shtetasi N.R. u shoqërua në stacion policor, ndërsa emigrantët janë vendosur në një qendër pranim-transferimi. Pas dokumentacionit të plotë të rastit, në koordinim me prokurorin publik, kundër personit N.R. do të bëhet kallëzim penal përkatës.
