Ministria e Punëve të Brendshme e informon opinionin se në koordinim me Prokurorinë Publike në mënyrë intensive po punon në zbardhjen e rastit dhe vërtetimin e arsyeve për aksidentin e trafikut gjatë mbërmjes së kaluar në afërsi të Qeverisë së RMV-së. Siç inormuam më herët, mbrëmë rreth orës 19:15 minuta në SPB Shkup është denoncuar se në udhëkryqin e blv.”Ilindeni” dhe blv. “Shën Klimenti i Ohrit” ka ndodhur aksident trafiku ndërmjet automjeteve “skoda” i drejtuar nga J.B. (38) nga Shkupi, automjetit “fiat”, i drejtuar nga D.P. (45) nga Shkupi dhe automjetit “kia” i drejtuar nga A.T. (36) nga Shkupi, të gjitha me targa regjistrimi të Shkupit. Në aksident janë lënduar J.B. dhe bashkëudhëtari nga automjeti “skoda”, B.L. (35), të konstatuara në Kompleksin e Klinikave “Nëna Terezë”. Në vendin e aksidentit është kryer këqyrje nga ekipi i SPB Shkup. Për aksidentin është informuar edhe Prokurori Publik kujdestar dhe Departamenti për Kontrollë të Brendshme, Hetime Kriminalistike dhe Standarde Profesionale dhe janë ndërmarrë të gjitha masat e nevojshme për zbardhjen e rastit: alkotest, është siguruar video-incizimi nga kamerat e sigurisë, deklarata nga dëshmitarë, etj. Në afatin kohor më të shpejtë rasti do të zbardhet dhe opinioni menjëherë do të informohet.
