Më 12.09.2025, rreth orës 14:10, në SPB Shkup është raportuar një aksident trafiku në rrugën “Kemal Sejfulla” në Shkup.
Në aksident janë përfshirë një automjet “Volkswagen Passat” me targa të Shkupit, i drejtuar nga V.A. (72) nga Shkupi, dhe një motoçikletë “Piaggio Beverly” me targa të Shkupit, e drejtuar nga E.I. (36) nga Shkupi.
Si pasojë e përplasjes, motoçiklisti ka pësuar lëndime të rënda trupore, ndërsa pasagjeri i tij, E.I. (33) nga Shkupi, ka marrë lëndime trupore. Të dy u transportuan në Kompleksin e Klinikave “Nëna Terezë”.
Një ekip i SPB Shkup ka kryer këqyrjen në vendngjarje dhe po ndërmerren masa për zbardhjen e plotë të rastit.
