Televizioni Shenja kontaktoi Mjekësinë Ligjore për të pyetur se kur do të dalin me informacione për personat që kanë ndërruar jetë nga aksidenti, por drejtori Aleksandar Stankov tha se prokuroria ia ka ndaluar të flasë për këtë temë, tani për tani, por konfirmoi vetëm se shtatë personave u dihet identiteti, ndërsa shtatë të tjerë tek po idetifikohen me ndihmën e familjarëve, të cilët prej mbrëmë qëndrojnë para objektit të Mjekësisë Ligjore. Sipas të dhënave të fundit zyrtare të policisë, numri i të lënduarve është 42, ndërsa i të vdekurve 15.
