Mirënjohje e madhe për Policinë e Maqedonisë, e cila, krah për krah me policitë nga mbi 116 vende të botës, me sukses dhe në mënyrë profesionale mori masa brenda LIBERterra II të Interpol-it, e cila u promovua gjatë Asamblesë së Përgjithshme në Glasgov, Mbretëria e Bashkuar, kumtuan sot nga MPB-ja.
Në fillim të tetorit 2024, Ministria e Punëve Brendshme ishte nikoqire Shtabit Evropian Operativ, i vendosur në kuadër të Operacionit Ndërkombëtar LIBERTERAA II, i koordinuar nga Interpol-i, me pjesëmarrjen e 116 vendeve të botës.
Operacioni global kishte për qëllim identifikimin, zbulimin dhe agjësimin e grupeve kriminale të përfshira në kontrabandë me migrantë, trafikim të qenieve njerëzore dhe aktivitete të tjera kriminale.
Gjatë aktiviteteve operacionale të LIBERTERAA II, përveç pranisë të shteteve të rajonit evropian prania e prokurorëve nga rajoni kishte një rëndësi të veçantë, me qëllim të koordinimit të rasteve të përbashkëta operacionale të trafikimit njerëzor dhe migracionit të kundërligjshëm.
Përmes qasjes të koordinuar për të gjitha shërbimet përkatëse në nivelin nacional, para së gjithash, dhe pastaj në atë rajonal dhe ndërkombëtar, ky operacion shënoi suksese të konsiderueshme dhe arriti realizimin e qëllimeve të përcaktuara.
Në të gjitha fazat, faza para operacionale, faza operacionale dhe faza pas operacionale, u realizuan kontrolle aksionale dhe kontrolle të hollësishme për personat, automjetet dhe dokumentet, si dhe funksionimi i pikave të nxehta me praninë e përfaqësuesve të Sekretariatit të Përgjithshëm të Interpol-it në qendrat e pritjes për migrantë të kundërligjshëm.
“Janë zbuluar një numër i konsiderueshëm i migrantëve, kryesisht me origjinë nga Siria, Palestina dhe Egjipti, kurse për të potencuar janë raste të realizuara me sukses të kontrabandës dhe trafikimit të migrantëve, duke përfshirë prishjen e një prej rrjeteve më të rëndësishme të kontrabandës së migrantëve në vend, një operacion policorë me emrin e koduar “Kipper”, gjatë të cilit nga liria janë privuar shtatë të dyshuar, anëtarët e një grupi kriminal të organizuar për kontrabandën e migrantëve nga Siria, Kongo, Irak, Nigeri, përmes territorit të Maqedonisë në Serbi, si dhe operacioni policorë “Shipka”, ku një grup kriminal i organizuar për ndërmjetësim në prostitucion dhe trafik të paligjshëm të drogës është shkatërruar, duke privuar 13 persona, kurse janë zbuluar 35 shtetase të huaja nga Ukraina, Rusia, Serbia, Moldavia, Shqipëria, Kolumbia dhe Maqedonia”, theksohet në kumtesën.
Në rajonin tonë, qëndron në kumtesën nga MPB-ja, sfidat që lidhen me krizën e migrantëve janë akoma aktive, dhe kontrabanda e migrantëve mbetet një nga tregjet më tërheqëse kriminale.
“Përkundër faktit se përpjekjet për të kaluar nëpër vendin tonë kanë një prirje të zvogëluar, rruga transit e Ballkanit Perëndimor mbetet aktive, fleksibiliteti i të cilës përdoret nga kontrabanduesit për të krijuar mënyra të reja, duke përdorur mjete të sofistikuara teknologjike. Bashkëpunimi ndërkombëtar dhe pjesëmarrja e vendit tonë në aktivitetet operacionale të koordinuara nga ana e Interpol-it flet për angazhimin tonë të plotë për bashkëpunim, kryerjen e hetimeve ndërkombëtare, si dhe zhvillimin e mekanizmave për shkëmbim të shpejtë të informatave. Përpjekjet tona të përditshme për të pozicionuar policinë e Maqedonisë në një faktor relevant në luftën kundër krimit ndërkombëtar janë të dukshme dhe të njohura nga partnerët tanë”, kumtuan nga MPB-ja.
