Ministri i MPB-së, Agim Nuhiu ka urdhëruar shërbimet e MPB-së që mjetet financiare që i takojnë atij për reprezentacion, të dedikohen tek familjet skamnore.
“Me dëshirë për të qenë bashkë me familjet bujare nga Velesi dhe me banorët fisnikë të Jabollçishtit, të paktën në janarin e stuhive te ftohta, urdhëruam shërbimet e MPB-së, që mjetet financiare që më takojnë mua si Ministër për reprezentacion, t’i dedikojmë tek familjet respektive! Stafin udhëheqës në MPB e porositëm që shpesh ta vëmë dorën në zemër dhe të jemi bashkë me familjet që kanë nevojë për përditshmëritë!”, thekson ministri i MPB-së, Agim Nuhiu.
