Në praninë e mysafirëve të shumtë në Filarmoninë e Maqedonisë u mbajt manifestimi tradicional kulturor “Me emrin Tënd jetojmë”, në të cilin mori pjesë dhe mbajti fjalim ministri i Kulturës, Hysni Ismaili.
Ministri Ismaili, duke u uruar organizatorëve për realizimin e ngjarjes, para të pranishmëve theksoi se është kënaqësi e madhe që ky manifestim është bërë tradicional, sepse gjërat më të mira janë ato që, edhe nëse janë pak, janë të vazhdueshme.
“Me këtë rast do të më lejoni të them edhe një gjë, që mendoj se duhet ta kemi parasysh dhe ta mbajmë mend, ndonëse jam i sigurt se të gjithë e dini: zhvillimi i një shoqërie matet me aktivitetet kulturore që i organizon. Në botë kjo matet nga sa aktivitete organizohen në ditë, ndërsa ne do të ishim të lumtur që në Shkupin tonë, por edhe në qendrat e tjera tonat, të kemi sa më shumë aktivitete kulturore në javë. Sepse vetëm ashtu dëshmojmë për praninë tonë, jo vetëm fizike, por edhe identitare”, tha Ismaili.
Në kuadër të manifestimit të cilin me mbështetjen e Ministrisë së Kulturës e realizoi Shoqata për Edukim Arsimor dhe Kulturor “Klubi ELITA”performoi artisti, tekstshkruesi dhe producenti i shquar i muzikës shqiptare, Mevlan Kurtishi, i cili e kultivon muzikën islamike, u lexuan pjesë të Kuranit, u mbajt edhe një recital, ndërsa u ndanë edhe mirënjohje personaliteteve të shquara.
Data 19.05.2024
Aktuale
- Kina synon të shtrijë ndikimin politik në Maqedoninë e Veriut përmes ekonomisë
- Vëmendje në rajon ndaj Maqedonisë së Veriut edhe pas zgjedheve
- Njohja e pavarësisë së Kosovës dhe mbështetja e rezolutës së Srebrenicës, Vuçiq: Mali i Zi e shkeli Serbinë
- Ngritet alarmi: Grupet ekstreme serbe në pritje për sulme në veri
- ‘Kim Kardashian shqiptare’ lajmërohet nga Amerika, ekspzon asetet e saj bombastike
- Më 23 maj Siljanovska Davkova do ta realizojë vizitën e parë jashtë vendit
- Najçevska i reagon Taravarit: Pse kryetari i Kuvendit të jetë shqiptar?
- Shtatë të lënduar nga aksidenti i mbrëmshëm në hyrje të Qendrës Klinike në Shkup