Ministri i Kulturës i Republikës së Maqedonisë së Veriut, Hysni Ismaili, dhe ministri i Kulturës dhe Turizmit i Republikës Popullore të Kinës, Luo Shugang, i cili e udhëheq delegacionin kinez në Forumin e 4-t Ministror për Bashkëpunim Kulturor ndërmjet Kinës dhe vendeve të Evropës Qendrore dhe Lindore, organizator i të cilit është vendi ynë, i vizituan Ohrin dhe Strugën.
Në Ohër, delegacioni i lartë u mirëprit nga kryetari i Komunës, Konstantin Georgieski. Në kuadër të vizitës në Ohër, delegacioni nga Republika Popullore e Kinës i vizitoi: “Galerinë e Ikonave”, Kishën “Shën Mëria Perivlepta”, lokalitetin arkeologjik “Pllaoshnik” dhe Kishën “Shën Sofja”, ku pati mundësinë të njihet me trashëgiminë e pasur kulturore të këtij qyteti. Gjatë vizitës, delegacioni shëtiti edhe nëpër Çarshinë e Vjetër të Ohrit, e vizitoi edhe punëtorinë që bën përpunimin e letrës me dorë.
Forumi i Katërt Ministror për Bashkëpunim Kulturor ndërmjet Kinës dhe vendeve të EQL-së, në të cilin do të marrin pjesë delegacionet e vendeve pjesëmarrëse në Procesin “17 + 1”, fillon zyrtarisht të hënën (25.11.2019) në orën 10:00 në hotelin “Meriot” në Shkup. Në kuadër të Forumit do të mbahet panel-diskutimi, në të cilën përveç ministrave të Maqedonisë së Veriut dhe të RP të Kinës do të mbajnë fjalime edhe ministrat, zëvendësministrat dhe anëtarët e tjerë të delegacioneve nga të gjitha vendet në Proces, pas së cilës duhet të miratohet Deklarata e Shkupit për bashkëpunim për dy vitet e ardhshme.
Data 18.05.2024
Aktuale
- Administrativja refuzon kërkesën e Frontit Evropian për Zhelinën, VLEN: Drejtësia fitoi, vullneti i qytetarëve do të shkoj në vend
- Diola lajmërohet nga një dasmë, me këtë vallëzim do ta ‘shkrijë’ Erolldin
- Fondacioni ALSAR dhe Instituti Junus Emre në Prishtinë organizojnë paraqitjen e librit, “Kontributi i Turqisë për Kosovën – Pikëpamja nga Prishtina”
- Dreksler: E rëndësishme është që mos ketë dyshime se qeveria e re respekton marrëveshjet detyruese
- Intervista e Afronës me Bleron në pikëpyetje, ja çfarë po ndodh
- Kryetari i Gjykatës Administrative i hedh poshtë pretendimet se ushtron presion ndaj gjykatësve që vendosin për ankesat e Frontit evropian
- Milani në hallë të madh, klubet angleze hyjnë në garë për yllin e tyre
- Osmani: Qeveri me shqiptarë jolegjitim dhe Qeveri pa shqiptarë është e njejtë