Kryetari i Qeverisë së Republikës së Maqedonisë së Veriut, Hristijan Mickoski, në pyetjen e gazetarëve se çfarë planifikon investimi mbi 1 miliard euro i Kazançi Holding Group dhe cili do të jetë përfitimi për shtetin, informoi se është e rëndësishme që investimi të funksionojë sipas rregullave të tregut dhe kushteve të tregut. Ne si shtet do ndihmojmë në pjesën administrative.
“Po, është një fillim i bisedimeve serioze me këtë kompani të njohur turke Kazançi Holding”. Qëllimi i tyre dhe synimi ynë i përbashkët, pra synimi ynë është i njëjtë, të ndërtojmë kapacitete prodhuese që do të prodhojnë njëkohësisht energji elektrike dhe ngrohje. Për shkak se vetëm kështu mund të jenë ekonomikisht të volitshme. Është një proces kogjenerativ. Këto janë termocentrale me gaz që prodhojnë ngrohje dhe energji elektrike. Dhe ato pjesë të Shkupit që aktualisht nuk janë të lidhura me ngrohje qendrore do të mund të përdorin ngrohjen për ngrohjen e shtëpive të tyre. Pse? Sepse, të gjitha analizat thonë se arsyeja më e madhe pse kemi ndotje është fatkeqësisht sistemi i ngrohjes së shtëpive, gjegjësisht përdorimi i drurit dhe i llojeve të tjera të lëndëve djegëse fosile apo mbetjeve, që duhet ta pranoj dhe të konkludoj se ndotin mjedisin. Nuk dua që kjo të kuptohet si kritikë. Përkundrazi, njerëzit nuk kanë zgjidhje tjetër. Nëse njerëzit do të kishin një zgjedhje, do të ishte më e lehtë. Por për shkak se nuk kanë zgjidhje, asnjë qeveri e mëparshme nuk u ka dhënë zgjidhje, ata duhet të ngrohin shtëpitë në periudhën kur duhet dhe gjejnë mënyra. Dhe një zgjidhje e tillë rezulton në një emetim të madh të grimcave PM2.5 dhe PM10, duke rezultuar në një nivel jashtëzakonisht të lartë të ndotjes jo vetëm në Shkup, por edhe në qytete anembanë shtetit.
Vetëm kështu mund ta zgjidhim ndotjen në afat të gjatë, në mënyrë të qëndrueshme, por në të njëjtën kohë t’u ofrojmë amvisërive një alternativë për ngrohjen e shtëpive të tyre. Do të duhet kohë, periudha është tre deri në pesë vjet, vlerëson grupi im, por është e rëndësishme që të fillojmë. Nëse kjo do të kishte filluar më herët, tani gjithçka do të ishte ndryshe. Por, akoma nuk ka filluar çdo gjë, ne sapo fillojmë. Ne thamë do ta zgjidhim dhe po fillojmë ta zgjidhim problemin. Ne nuk jemi magjistarë, nuk ka magji këtu. Ky është një proces teknologjik inxhinierik dhe do të zgjasë tre deri në pesë vjet. Ky është vetëm fillimi. Po shkojmë qytet më qytet dhe do të mundohemi që në secilën komunë ku nuk ka ngrohje qendrore të organizuar të realizojmë këtë lloj projekti, që sigurisht të gjejmë kompani që do të investojnë”, sqaroi Mickoski.
Kryeministri vuri në dukje se nuk do të ketë subvencione përtej atyre të parashikuara me ligj dhe rikujtoi se në të kaluarën investitorëve individualë iu jepeshin privilegje të mëdha. Ai iu referua edhe faktit se qëllimi i Qeverisë është të sigurojë ngrohje për shtëpitë, aty ku është e nevojshme, dhe të reduktojë emetimin e grimcave të dëmshme.
“Së fundi, më lejoni të theksoj, nuk ka subvencione jashtë atyre ligjore. Nuk ka çmime të garantuara, nuk ka marrëveshje të garantuara blerjeje, nuk ka çmime preferenciale, nuk ka investitorë preferencialë, nuk ka investitorë strategjikë, etj. Gjithçka bazohet në kushtet e tregut dhe kjo është paradigma kryesore pse ne hyjmë në këto procese.
Nuk ekziston një gjë e tillë si parimi si deri më tani, pra, siç ka qenë në të kaluarën, që investitorëve individualë u jepen privilegje të mëdha, që të lirohen nga taksat e ndryshme, që shteti të subvencionojë, të sigurojë shpengim të garantuar etj. Ky është një investim i pastër që do të zhvillohet sipas rregullave të tregut dhe kushteve të tregut. Po, ne si shtet do të ndihmojmë në pjesën administrative, gjithçka që duhet dhe ka të bëjë me shtetin, në përputhje me ligjin, do ta ndihmojmë procesin, do ta përshpejtojmë, etj. Sepse synimi ynë është që të sigurojmë ngrohje për shtëpitë ku është e nevojshme dhe të reduktojmë emetimin e grimcave të dëmshme PM2.5 dhe PM10”, tha Kryeministri.
