Kryeministri Hristijan Mickoski është pyetur sot lidhur me deklaratat e zv/kryeministrit Izet Mexhiti, i cili për mediat në Shqipëri tha se Artan Grubi gjendet në shtetin shqiptarë.
Mickoski tha se nuk dëshiron të spekulojë dhe se ka informacione të ndryshme për vendndodhjen e Grubit.
Ai tha se po të ishte i pastër siç pretendonte, Grubi nuk do të ikte.
“Ka informacione të ndryshme. Nuk do të spekuloja nëse është në Shqipëri ose në Kosovë. Është fakt që nuk është i pastër si loti, sepse po të ishte i pastër si loti, nuk do të kishte nevojë që të ishte i arratisur nga drejtësia, por do të vinte këtu për ta mbrojtur pafajësinë e tij”, tha Mickoski.
