Në intervistë për RTK Prime kryeministri Hristijan Mickoski deklaroi se për shkak të politikave të gabuara të Qeverisë së kaluar të rinjtë po ikin e nuk kthehen.
“Pikërisht për shkak të atyre politikave të gabuara mbushen autobusët me shqiptarë në Tetovë, në Gostivar, në Kërçovë dhe ata ikin e nuk kthehen. Përderisa jemi të ngujuar në moçalin politik dhe përderisa kthehemi në temat e viteve të 90-ta të shekullit të kaluar, ne nuk mund tu ofrojmë të rinjve ardhmëri. Sot Bota po flet për inteligjencën artificiale, Bota flet për një marrëveshje më të madhe të gjelbër, Bota flet për teknologjinë e raketave hapësinore Bota flet për gjëra shumë më të rëndësishme sesa nëse ka qenë kështu apo ashtu, diçka që paraqet temë që është temë e së kaluarës”.
Mickoski thekoi se respekton çdo qytetar që ndjehet krenar me origjinën e tij.
“Askush nga ne nuk është, ja unë jam Maqedonas etnik dhe jam krenar për origjinën time, nuk kam asgjë kundër asnjërit nga bashkëqytetarët e mi, nëse është krenar për origjinën e tij dhe i përdor karakteristikat e veta”, theksoi Mickoski.
Kryeministri shtoi se më e rëndësishme është që politikanët të fokusohen në zhvillimin ekonomik dhe përmirësimin e jetesës së qytetarëve, duke marrë si shembull fokusin e Qeverisë së Kosovës dhe Maqedonisë së Veriut, ku pritet që së shpejti këmbimi tregtar mes dy vendeve të jetë mbi 500 milion euro./ora24.tv
Data 17.09.2025
Aktuale
- Japonia thyen rekorde, mbi 99 mijë njerëz jetojnë mbi një shekull
- Pse mundet Stevço e nuk mundet Merko?!
- Ali Ahmeti priti në takim përfaqësuesit e OSBE/ODIHR
- Prof. Dr. Metin Izeti kritikon deklaratën e Mickoskit – Izeti: Një qasje e rrezikshme për demokracinë
- Rexhepi nga Malësia e Tetovës: Fshati Vicë është lënë në harresë nga pushteti lokal!
- “Më mirë për Tetovën” garon me listë për këshillin komunal të Tetovës
- VLEN shpalos listën e këshilltarëve për komunën e Shuto Orizarës, i prinë Enis Zekiri
- Kisha Orthodhokse Autoqefale e Shqipërisë zgjedh dy Mitropolitë e rinj për Gjirokastrën dhe Korçën