Kryeministri Hristijan Mickoski, gjatë inspektimit të punimeve ndërtimore në Sallën Universale, iu përgjigj pyetjeve të gazetarëve. Ai dha pikëpamjen e tij për çmimet e naftës (dizel) dhe rikthimin e TVSH-së në 18%.
— Nuk mendoj se është e parakohshme, përkundrazi, Maqedonia si shtet ka dy muaj që është shembull për mënyrën se si po përballemi me këtë krizë energjetike. Kjo është një krizë e importuar për shkak të zhvillimeve gjeopolitike. Ne jemi një nga shtetet e rralla që morëm një masë kaq robuste menjëherë dhe me këtë arritëm ta mbajmë nivelin në kufij të dinjitetshëm. Sipas kalkulimeve tona, pres që sot nafta të lirëhet sërish, për 2 deri në 2.5 denarë, pasi mesatarja e javës së kaluar në bursën e Italisë (FOP), e cila shërben si referencë për ne, ishte e tillë — deklaroi Mickoski.
Kryeministri Mickoski shtoi se pret një rritje të lehtë të çmimit të benzinës, ku TVSH-ja është 10% dhe këtë javë mbetet me të njëjtën përqindje.
— Si Qeveri po luftojmë me ngulm në këta dy muaj dhe arritëm të mos lejojmë që, si shumë herë në të kaluarën, të jemi në fund, por përkundrazi të jemi në krye sipas përqindjes së PBB-së sonë — shtoi Mickoski.
