Zëvendëskryeministri i parë i vendit, Izet Mexhiti, në vizitën e tij në Turqi u takua edhe me ministrin e Jashtëm të Turqisë, Hakan Fidan, që siç tha, riafirmuam partneritetin e fortë midis dy vendeve. Mexhiti tha se gjatë këtij takimi u bisedua për për zgjerimin e bashkëpunimit, por bëri të ditur, se theks të veçantë pati ekonomia dhe investimet
“Gjatë vizitës zyrtare në Stamboll, zhvillova një takim me Ministrin e Jashtëm të Turqisë, Hakan Fidan, ku riafirmuam partneritetin e fortë midis Maqedonisë së Veriut dhe Turqisë.
Në qendër të bisedës ishte zgjerimi i bashkëpunimit në fusha kyçe, me fokus të veçantë te ekonomia dhe investimet.
Diskutuam për hapa konkretë që do të forcojnë lidhjet tregtare dhe do të nxisin projekte strategjike mes dy vendeve. Po ashtu, vlerësuam Deklaratën e nënshkruar në Stamboll për Këshillin e Nivelit të Lartë për Bashkëpunim si një gur themeli për një partneritet të qëndrueshëm dhe afatgjatë”, tha Mexhiti.
