“LSDM duhet të ndërmerr hapa dhe ne se bashku me Aleancën duhet ta ndjekim atë”. Kështu ka deklaruar kryetari i komunës së Çairit Izet Mexhiti, duke kritikuar në një mënyrë indirekte BDI-në, e cila po nguron të ndjek hapat e LSDM-së, në drejtim të zhbllokimit të punës së Kuvendit dhe formimit të Qeverisë. Sipas Mexhiti BDI duhet të jetë më e vendosur në këtë drejtim dhe mos të luhatë. Megjithatë në teren gjërat nuk qëndrojnë ashtu. Siç është bërë e ditur gjatë ditës së sotme ka pasur një tentim nga ana e deputetëve të LSDM-së që të zgjedhin kryetarin e Kuvendit pas mbarimit të seancës, por një gjë e tillë është penguar nga deputetët e BDI-së, më saktësisht ato që kontrollohen nga Musa Xhaferi dhe janë krahu i VMRO-së brenda BDI-së.
