Sasia më e madhe e reshjeve gjatë 24 orëve të fundit, deri në orën 08:00 të mëngjesit, është regjistruar në Veles, ku kanë rënë 8 litra shi për metër katror, njofton Drejtoria për Punë Hidrometeorologjike (DPHM).
Sipas matjeve të stacioneve meteorologjike të DPHM-së, 6 litra për metër katror janë regjistruar në Kodrën e Diellit, 5 litra në Shtip, nga 3 litra në Shkup-Petrovec, Tetovë dhe Mavrovë, nga 2 litra në Shkup-Zajçev Rid, Vinicë, Kavadar, Demir Kapi dhe Pozharanë, ndërsa nga 1 litër për metër katror është regjistruar në Prilep dhe Berovë.
Nga DPHM theksojnë se, për shkak të karakterit lokal të reshjeve, sasia e ujit të rënë mund të ndryshojë ndjeshëm nga një zonë në tjetrën dhe në disa vende të jetë shumë më e madhe se ajo e matur.
Për sot parashikohet mot me diell dhe vranësira të pakta deri mesatare. Do të fryjë erë e dobët deri mesatare nga veriu, ndërsa përgjatë luginës së Vardarit herë pas here do të forcohet dhe në disa vende do të arrijë shpejtësi deri në 50 kilometra në orë.
Temperatura maksimale ditore do të lëvizë nga 27 deri në 34 gradë Celsius.
Në Shkup pritet mot me diell dhe vranësira të pakta deri mesatare. Do të fryjë erë e dobët deri mesatare nga veriu, e cila në disa pjesë të luginës do të forcohet përkohësisht, ndërsa temperatura maksimale do të arrijë 33 gradë Celsius.
