Njëqind e pesë pacientë me lëndime të shkaktuara nga rëniet në rrugët e ngrira, janë pranuar në spitalin special kirurgjik “”Shën Naumi i Ohrit” në Shkup gjatë kohës së festave. Nga ky spital thonë se numri më i madh i tyre janë pacientë të rritur, por ka edhe fëmijë nga 10 deri në 12 vjet. Ndërkaq, dominojnë lëndime të duarve, krahëve, lëndime të nyjës së gjurit dhe të ngjashme. Ndërkaq, në spital janë pranuar edhe persona të lënduar në katër aksidente trafiku, të cilat janë shkaktuar poashtu nga rrugët e ngrira. Vetëm nga dita e premte e deri sot, në qendrën urgjente të klinikave kirurgjike, janë pranuar 34 persona me thyerje, tetë nga të cilët janë mbajtur në traumatologji ndërkaq të tjerët janë lëshuar në mjekim shtëpiak.
