MPB ka njoftuar se me datë 19.07.2024 në orën 13:45 në SPB Tetovë, një 57-vjeçar nga Tetova ka raportuar se është mashtruar nga një person për një shumë prej 5185 eurosh. Sipas raportimit, ai kishte komunikuar me personin përmes rrjeteve sociale, i cili i ishte prezantuar si drejtor i një kompanie të huaj për të blerë një automjet. Siç është raportuar, ata kishin rënë dakord dhe ai kishte kryer disa pagesa përmes një llogarie transaksioni, pas së cilës kishte komunikuar me kompaninë nga ku kishte mësuar se nuk kishte asnjë pagesë për automjet në emrin e tij dhe kishte kuptuar se ishte mashtruar. Po ndërmerren masa për zbardhjen e rastit.
