Maqedonia e pesta në Evropë për nga vdekjet prej ndotjes

Maqedonia zë vendin e pestë në botë për numrin e vdekjeve që vijnë si pasojë e ajrit të ndotur. Shifrat alarmante publikohet nga ekspertë dhe institucione të fushës, të cilët konstatojnë se ajri i ndotur vlerësohet si faktor kryesor i vdekjes në 25 për qind të vdekjeve që vijnë nga sulmet në zemër dhe në tru dhe tek 4.6 për qind e pacientëve që vdesin për shkak të kancerit në mushkëritë e bardha. Sipas një studimi të Bankës Botërore, në Maqedoni 1.110 njerëz vdesin si pasojë e ndotjes së ajrit.
“Nuk ka vend të sigurt në Shkup. Ndoshta ka pak dallime në pjesët jashtë zonës qendrore, por e gjithë pjesa tjetër gjatë sezonës së ngrohjes ka rritje të vdekjeve që në çdo vit kemi nga 1100 raste të vdekjes që vijnë vetëm nga ndotja e ajrit. Pra, ndotja e ajrit mer pjesë me 20-25 për qind si shkak i infarkteve në zemër, sulmeve në tru që janë sëmundje më të shpeshta nga ky grup”, ka deklaruar Trajçe Stafilov, profesor universitar.
“Burime më të mëdha të ndotjes paraqesin djegjet e lëndëve më të fuqishme, qofshin të kontrolluara ose të pakontrolluara. Ku flasim për djegie të kontrolluara e kam fjalën për amvisëritë, por ne kemi edhe djegie të pakontrolluara edhe të deponive, djegie të pakontrolluara të mbeturinave. Këto burime janë më të mëdhaja dhe më të rrezikshme”, deklaroi Sragan Gjorçev, Institute i shëndetit publik.
Këto vlerësime u bënë sot nga ekspertët pjesëmarrës në konferencën shkencore kushtuar ajrit të ndotur, të organizuar nga organizatat ekologjike në vend.