670 persona të dënuar me burgosje deri më 6 muaj do të lirohen plotësisht, ndërsa tre mijë të burgosurve do të ju zvogëlohet dënimi për 30 për qind nga koha të cilën duhet ta kalojnë në burg. Ky është vlerësimi i Qeverisë për atë se sa persona do të përfshijë propozim-ligji për amnisti që u miratua në seancën e djeshme. Por ligji nuk do të përfshijë një pjesë të të burgosurve, kryesisht të dënuar për vepra të rënda penale.
Përndryshe, ligji për amnisti do t’i përfshijë të gjithë të dënuarit deri më 30 shtator. Për pyetjen se pse pikërisht kjo datë është zgjedhur për afat të vlefshëm për aministinë, përgjigje nuk ka.
Qeveria pret që me sjelljen e ligjit për amnisti të bëhet lehtësimi i burgjeve të cilët janë me kushte jonjerëzore dhe të stërbmbushura me të burgosur. Opozita që nga prezantimi i projektimit të ligjit reagoi duke thënë se për një ligj të këtillë nevojitet debat më i gjerë.
