Sektori për Punë të Brendshme në Manastir ka ngritur një kallëzim penal kundër V.T. (29) nga Prilepi, për dyshimin e kryerjes së veprës penale “prodhimi dhe shpërndarja e pornografisë me fëmijë”. Punonjësit e policisë, me urdhër gjykate, kanë kryer një kontroll në shtëpinë e të akuzuarit, ku në kompjuterin e tij janë gjetur dhe sekuestruar video dhe imazhe me materiale pornografike të fëmijëve. Nga viti 2021 deri në 2025, i akuzuari ka shkarkuar imazhe të fëmijëve vajza nga rrjetet sociale, ka krijuar profile të rreme femrash dhe përmes këtyre profileve ka njohur dhe ka filluar komunikimin me fëmijë të tjerë, të cilët i ka shtyrë të shkëmbejnë imazhe dhe video me përmbajtje eksplicite.
