Më 27 nëntor 2025, rreth orës 01:47, në SPB Manastir është raportuar për një aksident trafiku që ka ndodhur në rrugën Resnjë–Prilep.
Sipas informacioneve zyrtare, automjeti “Seat Leon” me targa të Demir Hisarit, i drejtuar nga V.I. (18) nga Demir Hisari, ka humbur kontrollin, ka dalë nga rruga dhe ka goditur mbrojtësen metalike. Si pasojë e përplasjes, shoferi ka pësuar lëndime të rënda trupore.
Ndërkohë, pasagjeri i tij, një i mitur 17-vjeçar nga fshati Zhurchë – Demir Hisar, ka marrë lëndime trupore, të cilat janë konstatuar në Spitalin Klinik të Manastirit, ku të dy të rinjtë janë dërguar për trajtim mjekësor.
Në vendngjarje është kryer ekspertizë nga prokurori publik dhe nga ekipi hetimor i SPB Manastir, ndërsa po vazhdojnë procedurat për zbardhjen e plotë të rrethanave të aksidentit.TS
