SHBA-të kryen veprime për shkak të aktiviteteve kriminale të drogës në Venezuelë, ku u shënjestrua Nicolas Maduro, thekson partia opozitare LSDM. Partia pyet se para këtij veprimi të SHBA-së, cilët ishin politikanët dhe vendet e vetme në Evropë që mbështetën dhe zhvilluan bashkëpunim me Maduron? “Këta ishin miqtë e ngushtë të Mickoskit, për të mos përmendur partnerët e tij të biznesit: Orban në Hungari dhe Vuçiq në Serbi”, thekson LSDMm duke shtuar se Vuçiq njoftoi bashkëpunim të ngushtë me Maduron vetëm disa muaj më parë, dhe Hungaria, me Orbanin në krye, ishte mbështetëse e tij.
LSDM
“Qytetarët e dinë shumë mirë lidhjen midis DPMNE-së së Hristijan Mickoskit dhe SNS-së së Vuçiçit. Përveç faktit se të gjitha politikat e tyre janë të njëjta, përveç faktit se Mickoski po zbaton të njëjtin skenar si “xhaxhai” i tij Vuçiç, ekzistojnë edhe marrëdhëniet e biznesit që LSDM zbuloi përmes skandalit me Alta Bankën. Në intervistën e tij të fundit, Mickoski flet edhe për “mikun e tij të ngushtë Viktor Orban’, të cilin BE e akuzon për korrupsion pas skandalit me pronën në emër të babait të tij. Çfarë kanë të përbashkët të gjithë këta politikanë të krahut të djathtë dhe miq të mëdhenj?
LSDM rikujton se SHBA-të kanë miratuar Aktin e Ballkanit Perëndimor, të nënshkruar nga Presidenti Donald Trump, me një theks të veçantë në krimin dhe korrupsionin në Ballkan. Ligji përcakton që Presidenti i SHBA-së vendos sanksione ndaj çdo personi të huaj që gjendet i përfshirë ose është përpjekur të përfshihet në korrupsion në lidhje me Ballkanin Perëndimor, jo më vonë se 90 ditë nga data e hyrjes në fuqi të Aktit.
“Sanksionet janë parashikuar gjithashtu për individë dhe politika “që dëmtojnë proceset ose institucionet demokratike” dhe për shkelje të rënda të të drejtave të njeriut. Pas të gjitha këtyre zhvillimeve me miq të mëdhenj, pyetja është, a fle i qetë Hristijan Mickoski?”, thekson LSDM-ja. /SHENJA/
