LR-PDSH: T’iu jepet fund deponive të egra, përgjegjësit e ndotjes së ajërit para drejtësisë!

Djegia e sotme e deponisë së egër në qytetin e Tetovës, më të drejt ngriti shqetësimin dhe alarmin e qytetarëve të brengosur të Tetovës, thonë nga LR PDSH.
“Thellë të shqetësuar nga kjo “bombë” helmuese, kërkojmë përgjegjësi nga Krerët Komunal të Tetovës, që për një kohë të gjatë nuk po e gjejnë zgjidhjen e kësaj deponie, që po shëndrohet në katastrofë ekologjike.
Kërkojmë përgjegjësi, edhe nga organet e rendit që të zbulojnë edhe “piromanët” që mund ta kenë shkaktuar me ose pa qëllim këtë djegie që sot nxiu qiellin e Tetovës.
Njëkohësisht kërkojmë përgjegjësi edhe nga Ministria e Ekologjisë dhe Qeveria e RM, që tju japë fund problemeve me deponitë e egra që fatkeqisht janë prezente në Komuna relativisht të banuara me shumicë shqiptare.”, theksohet në komunikatën e LR PDSH – Dega Tetovë.