Liverpooli ka bërë një ofertë për rinovimin e kontratës së Virgil van Dijk, ndërsa mbrojtësi holandez, së bashku me Trent Alexander-Arnold dhe Mohamed Salah, rrezikojnë të largohen falas pasi të gjithë kanë vetëm disa muaj të mbetur në marrëveshjet e tyre aktuale.
Sipas “The Athletic”, Liverpooli ka ndërmarrë hapat e parë për të mbajtur këtë treshe të rëndësishme, duke i ofruar Van Dijk një kontratë të re.
Megjithatë, oferta fillestare nuk ka përmbushur pritshmëritë e mbrojtësit 33-vjeçar, dhe deri tani nuk është arritur asnjë marrëveshje e madhe.
Raporti gjithashtu thotë se, megjithëse bisedimet me Van Dijk nuk kanë avancuar, Liverpooli pritet të nisë negociatat me ekipin e Salah për një marrëveshje të re.
Ndërkohë, Alexander-Arnold, që është tifoz i Liverpoolit që në fëmijëri, ende nuk ka marrë një ofertë për rinovim.
Së fundmi, ai është lidhur gjithnjë e më shpesh me një transferim të mundshëm te Real Madrid.
