LD: Situata në Maqedoni është krizë e kontrolluar nga VMRO-DPMNE

Kjo që ndodh në Maqedoni është krizë e kontrolluar politike nga udhëheqësia e VMRO-DPMNE-së. Kështu në një kumtesë dërguar mediave ka vlerësuar Këshilli Qendror i Lidhjes Demokratike (LD) të Maqedonisë.
““Platforma e Tiranës” shfrytëzohet për ngritjen e nacionalizmit dhe prishjen e bashkëjetesës në Maqedonisë, si dhe për konflikt ndëretnik. Për këtë arsye LD apelon tek të gjitha partitë të largohen nga kjo “deklaratë, memorandum ose platformë” dhe të mos e eskploatojnë, ndërsa për gjitha çështjet të hapet debat demokratik dhe me argumente”, shkruhet në kumtesë, duke theksuar se kjo situatë mund të del nga kontrolli dhe të destabilizojë shtetin me përmasa më të mëdha.