Mbrëmë në praninë e qindra aktivistëve të Koalicionit Alternativa dhe Aleanca për shqiptarët në lagjen Dardania në Kumanovë u vulos e vërteta e sloganit “Pastër”. U hap shtabi qëndror i koalicionit Alternativa dhe Aleanca për shqiptarët në Kumanovë!
Me këtë rast, para të pranishmëve u prezantuan kandidatët për këshilltar, duke nisur nga Abaz Selmani, Merlinda Kurtishi, Huzeir Mustafi, Naime Islami e deri te Driton Sulejmani. Po ashtu u prezantua edhe kandidati për kryetar komune, Bekim Saliu.
Para të pranishmëve fjalë rasti mori edhe deputeti i zonës, Elmi Aziri.
Përndryshe, karvani i koalicionit Alternativa dhe Aleanca për shqiptarët në Kumanovë vazhdon në ditët në vijim me aktivitete tjera të bujshme në prezantimin e programit si dhe në takim me qytetarët.
