Gjykata Kushtetuese pritet të marr sot vendimin përfundimtar mbi Ligjin për tatimin solidar. Procedura për vlerësimin e kushtetutshmërisë së ligjit të kontestuar ka filluar më 20 nëntor të vitit të kaluar. Tatimi solidar u prezantua si shpenzim publik i njëhershëm për vitin 2023. Këtë tatim e paguanin kompanitë që kanë gjeneruar të ardhura të përgjithshme prej rreth 10 milionë euro në vitin 2022. Qëllimi i tatimit ishte mbledhja e mjeteve për t’i zbutur pasojat e krizës dhe për të kontribuar në shpenzimet publike në mënyrë solidare. Sot gjykata mund të marrë vendim për shfuqizimin ose anulimin e procedurës. Shfuqizimi do të thotë që në të ardhmen një ligj i tillë as nuk do të miratohet dhe as nuk do të zbatohet, ndërsa nëse anulohet do të thotë se shteti do t’i kthejë paratë e mbledhura tek kompanitë– shumë prej rreth 50 milionë euro. /Alsat.mk
