Në nderim të ish-studentit, dëshmorit Alban Ajeti, në Universitetin e Tetovës u mbajt akademi përkujtimore. Alban Ajeti student i farmacisë në UT ishte Gjilani i Kosovës, ndërsa ra dëshmor në luftën e Kosovës. Kjo akademi bëri bashkë në një vend figura të shumta, mes të cilëve edhe kreu i BDI-së Ali Ahmeti dhe kryeministri i Kosovës Albin Kurti. Pas kësaj, Kurti realizoi vizitë në Komunë e Tetovës ku takoi kryetarin e Komunës Bilall Kasamin. Deklaratë Kurti nuk dha, por foli vetëm kreu i Komunës.
“Kryeministri na nderoi edhe në akademinë përkujtimore por edhe në komunën e Tetovës, në shfrytëzuam rastin që me kryeministrin të bashkëbisedojmë për sfidat mes dy shteteve edhe për sfidat në e integrimit në Bashkimin Europian. U dakorduam që të bashkëbisedojmë edhe me pushtetin lokal, me komunat e Kosovës dhe me qeverinë e Kosovës në realizim të projekteve në interes të përbashkët, por edhe dy subjekteve politike që ne drejtojmë Lëvizjes Besa edhe Lëvizjes Vetëvendosje”, tha Bilall Kasami, kryetar i komunës së Tetovës.
