Ish-ministri i Drejtësisë dhe një nga figurat kryesore të Aleancës për Shqiptarët, Krenar Lloga, ka njoftuar se po tërhiqet nga jeta partiake dhe nga të gjitha funksionet brenda partisë. Ai e ka bërë publik vendimin me një deklaratë ku shpjegon arsyet dhe falënderon bashkëpunëtorët e tij.
Lloga thotë se vendimi ka qenë i vështirë, pasi ka kaluar më shumë se dhjetë vite në politikë me shumë përkushtim dhe sfida. Ai falënderon të gjithë ata që e kanë mbështetur dhe kërkon ndjesë nëse ndokush është ndier i lënduar gjatë debateve politike.
Në deklaratë, ai kujton edhe rrënjët e tij familjare dhe vështirësitë e kohës së regjimit jugosllav, duke thënë se këto vlera do ta shoqërojnë gjithmonë.
Edhe pse largohet nga partia, Lloga thotë se do të vazhdojë të kontribuojë për çështjet shoqërore dhe për një Maqedoni të Veriut me të drejta të barabarta për të gjithë.
Largimi i tij vjen në një moment kur Aleanca për Shqiptarët po kalon nëpër ndryshime të brendshme pas zgjedhjeve të fundit.
