Konferencë përmbyllëse për projektin “Përforcim i dialogut rinor për promovim të proceseve demokratike në frymën e integrimeve euro-atlantike” organizojnë sot Këshilli Euro-Atlantik i Maqedonisë dhe Civika Mobilitas. Në konferencën e sotme do të prezantohen rezultatet nga hulumtimi 16-mujor për “Përforcim të dialogut rinor për promovim të demokracisë në frymën e integrimeve euro-atlantike”. Në konferencën, në të cilën njëherësh shënohet 20-vjetori nga themelimi i Këshillit Euro-Atlantik të Maqedonisë, do të kenë fjalime kryetari i Kuvendit Talat Xhaferi, kryetari i Këshillit Euro-Atlantik Ismet Ramadani, nënkryetari i ATA Serbi Vlladin Zhivulloviq, ndërsa organizatorët paralajmërojnë edhe pjesëmarrje të kryeministrit, Zoran Zaev.
