Përparimi dhe profesionalizimi i sigurimit privat në Republikën e Maqedonisë në luftën kundër të gjitha formave të krimit dhe kërcënimeve, janë tema të konferencës ndërkombëtare “Siguria private dhe publike-bashkëpunim dhe partneritet”, që mbahet sot në organizim të Odës për sigurim privat. Konferenca është në kuadër të fushatës “Ditët e sigurimit privat 2017” dhe shënimit të 40 viteve të ekzistimit dhe punës së Fakultetit për siguri në Shkup. Në fokus të konferencës janë gjendjet aktuale dhe sfidat me të cilat ballafaqohet veprimtaria e sigurimit privat në Republikën e Maqedonisë, ndërsa programi i përkushtohet këmbimit të diturive, përvojave dhe praktikave nga ekspertë të renomuar nga sfera e sigurimit privat nga Maqedonia dhe vendet e huaja. Në konferencë u paralajmërua pjesëmarrje e ministrit të Punëve të Brendshme, Oliver Spasovski.
