Teatri i një aktori në bashkëproduksion me Festivalin ndërkombëtar të
teatrit “Butrinti 200” dhe Teatrit të Qytetit nga Gjilani, Kosova, sonte në “Verën e Shkupit” do ta japin shfaqin “Kërkohet një kloun i vjetër” me tekst të Matei Visniek, në regji të Besfort Idrizit.
Skenograf dhe kostumograf i shfaqjes është Enes Deari. Performojnë Sabedin Shahiqi, Bajrush Mjaku, Alfred Bualoti dhe Beqir Nuredini.
Komedia “Kërkohet një kloun i vjetër” flet për tre artistë, kolegë të afërt, të cilët pas një kohe të gjatë sërish takohen, por tani në cilësi të konkurrentëve, të cilët në vend që të bashkëpunojnë, përpiqen t’ia ngecin njëri tjetrit që të sigurojnë punë për vete. Shfaqja do të jepet në Suli an.
