Koalicioni kotë mes 50-51 deputetëve maqedonas dhe 20 deputetëve shqiptarë

Sulejman Mehazi
Pasi s’është numri i deputetëve i nevojshëm për ndryshimin e kushtetutës së R. së Maqedonisë, i kotë koalicionimi i partive shqiptare me cilën do qoftë parti maqedonase. Vetëm që do jetë mashtrimi i radhës.Për të fituar të drejtat e barabarta shqiptarët si nga aspekti kombëtar e gjuhësor, poashtu dhe buxhetor e ekonomik duhej ndërruar kushtetuta e kësaj republike. Për t’u ndërruar kjo kushtetutë duhet votuar 2/3 e deputetëve, prej 120 deputetëve duhej votuar 81. Kështu që, matematika e koalicionimit të partive shqiptare me cilin do qoftë parti maqedonase për ndryshim kushtetues është e pallogaritshme, e kotë. 20 deputetë shqiptarë me 5O apo 51 deputetë maqedonas, rezultati del 70 apo 71. Për ndërrimin e kushtetueses duhet 81 deputetë. Prandaj, për të mirën tonë do ishte më mirë që të ketë zgjedhje të reja të jashtëzakonshme parlamentare. Nëse patjetër, atëherë duhet koalicionuar me partinë e Zaevit për të eliminuar partinë nacionaliste e shoviniste të Gruevskit.