Një person i armatosur hapi zjarr në një bar në qytetin e vogël Anaconda të Montanës në Shtetet e Bashkuara të Amerikës, të premten në mëngjes, duke vrarë katër persona përpara se të arratisej.
Autoritetet e identifikuan të dyshuarin si Michael P. Brown, 45 vjeç, dhe thanë vonë të premten se ai mbeti i lirë pasi u largua nga vendi i ngjarjes me një kamion të bardhë.
Policia atje e ka përqendruar kërkimin në malet pak jashtë qytetit.
Agjentët lokalë, shtetërorë dhe federalë u shpërndanë në të gjithë rajonin në këmbë, me automjete dhe me helikopter në një ndjekje në rritje përmes terrenit me shkurre dhe të vështirë për t’u kërkuar. Banorëve dhe pronarëve të bizneseve iu tha të mbanin dyert e tyre të mbyllura dhe të shikonin për të dyshuarin, i cili u përshkrua si i armatosur dhe i rrezikshëm, raporton The New York Times.
