Kryetari i Komunës së Tetovës, Bilall Kasami, ka pritur në një takim ambasadorin e Turqisë në Maqedoninë e Veriut, Fatih Ulusoy. Takimi është vlerësuar si miqësor dhe i frytshëm, ku është diskutuar për projekte zhvillimore, bashkëpunime kulturore dhe investime strategjike që synojnë përmirësimin e jetës së qytetarëve të Tetovës.
“Diskutuam mbi projektet zhvillimore që mund të sjellin përfitime konkrete për qytetarët tanë, bashkëpunime kulturore dhe investime strategjike që forcojnë lidhjet mes Tetovës dhe Turqisë,” u shpreh Kasami në një postim publik.
Ai gjithashtu njoftoi se së shpejti në Tetovë do të ndërtohet një kopsht për fëmijët turq, si pjesë e këtij bashkëpunimi.
