Më datën 07.02.2022 Departamenti për Asgjësimin e Krimit të Organizuar dhe Serioz deri te Prokuroria Themelore për Ndjekjen e Krimit të Organizuar dhe Korrupsionit parashtroi kallëzim penal kundër M.J. (33) dhe R.Z. (21), të dy nga Pakistani për shkak të kryerjes së veprës penale ”kontrabandë me migrantë” e paraparë dhe e dënueshme sipas nenit 418-b paragrafi 2 të Kodit Penal
Më datën 06.02.2022 në vendin e quajtur “Farma e derrave” në f. Reçicë-Kumanovë, nga ana e nëpunsëve policorë të Njësitit Nacional për Parandalimin dhe Kontrabandën me Migrantë dhe Tregtisë me Njerëz në bashkëveprim me SPB Kumanovë dhe Qendrën Rajonale për Çështje Kufitare Veri janë zbuluar 15 migrantë ilegal prej të cilëve 12 nga India, dy nga Pakistani dhe një nga Afganistani.
Në bazë të aktiviteteve të ndërmarra për zbardhjen e rastit, në koordinim me Prokurorinë Themelore për Ndjekjen e Krimit të Organizuar dhe Korrupsionit, është vërtetuar se dy persona nga Pakistani, të cilët kanë qenë pjesë e grupit, janë organizatorë të kontrabandës. Në të vërtetë, me qëllim të fitimit të dobisë materiale në mënyrë të kundërligjshme, në rolin e udhëheqësve, dy personat më datën 06.02.2022 në mënyrë ilegale përmes kufirit të R. së Serbisë deri në rajonin Kumanovë- Likovë kanë bartur 13 migrantë ilegal, me qëllim të transportimit të tyre deri në Republikën e Greqisë, me destinacion të fundit shtetet e UE-së.
Të dy personat janë arrestuar, kurse nga ana e Gjykatësit në procedurë paraprake iu është përcaktuar masa e paraburgimit prej 30 ditëve.
