Të gjitha çështjet ndërmjet dy vendeve rreth të cilave ekzistojnë
mendime të ndryshme duhet të zgjidhen bashkarisht përmes dialogut. Të mos lejojmë që ato çështje të ndikojnë në marrëdhëniet ndërmjet dy shteteve, sepse, megjithatë, ne jemi fqinjë dhe nçkado që të ndodhë mbetemi të jetojmë në këtë hapësirë dhe duhet si fqinjë të mirë të krijojmë praktika të mira për gjeneratat e ardhshme, porositi presidenti i Republikës së Maqedonisë, Gjorge
Ivanov pas takimit të sotëm me presidentin serb, Aleksandar Vuçiq në Beograd.
Presidenti Ivanov deklaroi se me kolegun e tij serb patën takim konstruktiv dhe ishin të pajtimit se çështjet e hapura nuk duhet të politizohen.
Në pyetjen nëse dy presidentët biseduan për promovimin e idesë për treg të përbashkët rajonal,
Ivanov tha se kjo do të jetë në kompetenca të dy Qeverive.
Dialogu politik ndërmjet dy vendeve pritet të vazhdojë me vizitëp të ardhshme të presidentit serb Vuçiq në Republikën e Maqedonisë.
