Hysni Ismaili është ministri i tretë i Kulturës në kete qeveri dhe postin e mori pas bashkepartiakut te tij Asaf Ademi, i cili u tërhoq nga posti për shkaqe personale. Edhe pse ka shumë kritika se nuk është kuader adekuat, pasi si profesor i mjekësisë është emeruar Minister i Kultures, karriera e tij permban një bagazh mbreselenes kulturor: në vitet e 90-ta ka qenë redaktor i librave, organizator i Panairit të parë të Shtepive botuese shqiptare private, themelues i Shtëpisë Botuese “Logos A”, redaktor i shumë radiodramave dhe radioemisioneve. Ne intervisten e tij të parë për Makfax, ministri Ismaili thotë se do të angazhohet që politika te mos kete ndikim mbi Kulturën, por kultura të ketë ndikim mbi politikën. Ai premton edhe demetropolizim të kulturês, respektivisht aktivitete kulturore në çdo pjesë të vendit, e jo vetëm në kryeqytet.
