Këtë vit, si të gjithë të mëparshmet gjatë mandatit tim, po e nisim me fokus të madh në ofrimin e kushteve më të mira për zhvillimin e banorëve tanë më të rinj.
Po investojmë në përmirësimin e kushteve në kopshtet ekzistuese, por po punojmë edhe për ndërtimin e të rejave, sepse zhvillimi i hershëm i fëmijërisë është jashtëzakonisht i rëndësishëm për ne si pushtet vendor.
Me krenari të veçantë dua t’ju informoj se janë siguruar krevat fëmijësh të rinj për të gjitha ambientet e kopshteve në territorin e Kisela Vodës, si dhe janë siguruar krevat dhe jorgan të rinj.
Gjithashtu, janë blerë materiale të reja për fëmijët që vizitojnë kopshtet, të cilat do të sigurojnë lojë dhe zhvillim më të mirë të më të vegjëlve.
Kemi ndërhyrë edhe në fushën e rinovimit të kuzhinës duke blerë pajisje të reja dhe moderne kuzhine, si dhe lavatriçe dhe tharëse të reja.
Pajisja me pastrues ajri, të cilët do të ndihmojnë ndjeshëm në reduktimin e grimcave të dëmshme në dhomat ku fëmijët kalojnë pjesën më të madhe të ditës, flet për angazhimin tonë të vendosur për të mbrojtur shëndetin e brezave të ardhshëm dhe për të krijuar zakone të shëndetshme mjedisore.
Çdo fëmijë meriton të drejtën për arsim cilësor parashkollor dhe është detyrimi ynë, por edhe një dëshirë e fortë për ta bërë të mundur.
Ne vazhdojmë me përkushtim dhe vizion, sepse më të rinjtë tanë, por edhe shoqëria jonë, e meritojnë! theksoi Orce Gjeorgjievski.
