Komuna e Tetovës edhe sot ka qenë në shënjestër të inspektoratit. Për dallim nga ai i para dy javëve, sot në komunën e Tetovës me paralajmërim ka qëndruar inspektorati për urbanizëm, për të kontrolluar lëndët që kanë të bëjnë me urbanizmin. Inspektorët kanë shmangur tentativat e mediave për të mësuar qëllimin e inspektimeve të shtuara në komunën e Tetovës, madje duke thënë se nuk ka kryer kontrolle, njofton alsat.
Nga ana tjetër, drejtuesit e Komunës së Tetovës kanë komentuar me ironi kontrollet e shtuara duke thënë se përshëndesin faktin që pikërisht në këtë periudhë kohore, kemi tendencë të shtimit të kontrolleve inspektuese nga ana e organeve relevante shtetërore.
