Sonte rreth orës 18:30 në Reçicë të Vogël afër selisë së BDI-së nga incidenti i armatosur mbeti i vrarë Naip Rexhepi (Bellanoca) nga Kumanova dhe dy të tjerë janë plagosur.
Policia e Tetovës konfirmon se nga incidenti janë arrestuar dy persona.
“Bashkimi Demokratik për Integrim edhe sot, sikurse edhe çdo ditë tjetër, ka vazhduar me aktivitetet e saja të zakonshme. Përgënjeshtrojmë çdo informacion lidhur me atë se sot në Bashkimin Demokratik për Integrim ka patur përleshje apo incident. Ne si subjekt politik nuk kemi dhe nuk mund të kemi përgjegjësi për incidentet eventuale që nuk kanë të bëjnë me Bashkimin Demokratik për Integrim dhe për Bashkimin Demokratik për Integrim”, thanë nga BDI.
